အခမဲ့အခြေခံမော်တာစက်ချုပ်သင်တန်း အပတ်စဉ် (၂၂) သင်တန်းဆင်းပွဲ

New Myanmar Foundation နှင့် Women Lead Resource Center တို့ ပူးပေါင်းပြုလုပ်သော အခမဲ့ အခြေခံ စက်ချုပ်သင်တန်း အပတ်စဉ် (၂၁) သင်တန်းဆင်းပွဲကို (၁၀-၁၁-၂၀၂၂) ရက်နေ့တွင် ထိုင်း-မြန်မာနယ်စပ်ဒေသရှိ Women Lead Resource Center တွင် ကျင်းပပြုလုပ်ခဲ့ကြရာသင်တန်းကို အောင်မြင်ပြီး‌မြောက်သည့်အထိ တက်ရောက်ခဲ့ကြသော သင်တန်းသူ/သင်တန်းသား (၁၁) ယောက်ကို New Myanmar Foundation ၏ တာဝန်ခံ ဒေါက်တာစန်းအောင်မှ အခုလိုကိုယ့်ဘဝ ကိုယ်ရပ်တည်ဖို့ကြိုးစားပြီး သင်တန်းလာတယ်လို့ ယုံကြည်လို့ ဂုဏ်ယူ ချီးကျူးပါကြောင်း ၊ ကိုယ်တိုင်းပြည်အတွက် မင်းတို့တွေအားလုံးဟာ အားတွေဖြစ်ကြောင်း ၊ အဓိကမင်းတို့တွေတိုးတက်မှ တိုင်းပြည်တိုးတက်မယ် ဆိုတဲ့စိတ်တစ်ခုနဲ့ကြိုးစားကြပါ။ New Myanmar Foundation ၏ ကူညီနေမှုများ ဆောင်ရွက်နေမှုများကို ရှင်းပြခြင်းပြုခဲ့ပြီး တန်ဘိုးရှိရှိ အသုံးပြုနိုင်ကြောင်း တိုက်တွန်း အားပေးမှာ ကြားခဲ့ပါသည်။

ဆက်လက်၍ သင်တန်းတာဝန်ခံ NLD ဧရာဝတီတိုင်း တွဲဖက်အတွင်းရေးမှူး ဒေါ်ခင်လှဌေးမှ သင်တန်းဆင်း သင်တန်းသား/သူများ သင်ချုပ်ချုပ်နိုင်သည့် အဆင့်ရောက်ရှိနေကြပြီဖြစ်၍ လမ်းပျောက်နေသောသူများ မဟုတ် လမ်းဆက်လျှောက်နေသော မျိုးဆက်သစ်များ အဖြစ်ယုံကြည်ကြောင်း ၊ မိမိဂုဏ် မိဘဂုဏ် တိုင်းပြည်ဂုဏ်ကို ဖော်ဆောင်နိုင်သော သားကောင်းသမီးကောင်းများဖြစ်အောင် နေထိုင်ကြိုးစားကြစေလိုကြောင်း ၊ အဆင်မပြေသည်များရှိရင်လည်း ဖုန်းဖြင့်ဖြစ်စေ ၊ Group ထဲမှဖြစ်စေ တိုင်ပင်နိုင်ကြောင်း နှင့် ရောက်ရှိနေရာတိုင်းမှ အချင်းချင်း စောင့်ရှောက်ကြဖို့ မှာချင်ပါကြောင်း ပြောကြားခဲ့ပါသည်။

သင်တန်းတက်ရောက်သူ သင်တန်းသူ/သားများကလည်း သင်တန်း၏ အားနည်းချက် အားသာချက်များကို ဆွေးနွေး တင်ပြကြပါသည်။အခမဲ့ အခြေခံ မော်တာနင်းစက်ချုပ်သင်တန်းတွင် စက်ချုပ်ပညာ သာမက –
၁။ လူ့အခွင့်အရေး၊
၂။ ရွေ့ပြောင်းအလုပ်သမားအခွင့်အရေး၊
၃။ အမျိုးသမီးအခွင့်အရေး၊
၄။ ထိုင်းနိုင်ငံ အလုပ်သမားဥပဒေ၊
၅။ ထိုင်းနိုင်ငံအလုပ်သမားများနှင့် သက်ဆိုင်သော အစိုးရဌာနများ၊
၆။ အလုပ်ရှင်နှင့် အလုပ်သမားများကြား ဖြစ်တတ်သော ပြဿနာများနှင့် ဖြေရှင်းရန် နည်းလမ်း များကိုပါမျှဝေခဲ့ပါသည်။

သင်တန်းဆင်းပြီးနောက် သင်တန်းသူ/သား (၈)ဦးကိုလည်း အလုပ်ခွင်သို့ ပို့ဆောင်ပေးခဲ့ပါသည်။
အခမဲ့အခြေခံမော်တာနင်း စက်ချူပ်သင်တန်းကို ပံ့ပိုးကူညီပေးပါသော Smile Project နှင့် Australian Aid ကိုလည်း ကျေးဇူး အထူးတင်ရှိပါသည်။